زمانہ کیوں نہ ہو محبوب رب العالمیں صدقے

زمانہ کیوں نہ ہو محبوب رب العالمیں صدقے

تری اس صورتِ زیبا پہ جبریل امیں صدقے

جمال لعل لب پر شیفتہ لعل بدخشاں ہے

در دندان کی ضو پر کیوں نہ ہو در ثمیں صدقے

تمہارے حسن روح افزا پہ عاشق ماہ کنعاں ہے

لب جاں بخش پر ہیں عیسیٰ گردونِ نشیں صدقے

تمہارا حسن تھا اللہ اکبر یہ کہ قدموں پر

ہوا عرش خدا محبوب رب العالمیں صدقے

خیال عارض گلگوں و پیشانی کی الفت میں

قمر نے دل کیا صدقے تو سورج نے جبیں صدقے

ہوئے طفلی ہی میں تجھ پر سے روز ہجرت مکہ

علی بن ابی طالب امیرالمؤمنیں صدقے

تمنا ہے مدینہ میں پہونچ کر سیدِ عالم

ترے روضہ پر ہوجائے فریدؔ دل حزیں صدقے