دعا گو ہوں ملے صدقہ مجھے پیمانہ خواجہ کا

دعا گو ہوں ملے صدقہ مجھے پیمانہ خواجہ کا

الٰہی تا ابد قائم رہے پیمانہ خواجہ کا

ازل ہی سے عطیہ میں ملا پیمانہ خواجہ کا

اسی سے خلق کہتی ہے مجھے مستانہ خواجہ کا

شریعت کی کبھی حد سے قدم باہر نہیں ہوتا

حقیقت میں بڑا ذی ہوش ہے دیوانہ خواجہ کا

گدا و شاہ سب نے اپنی اپنی جھولیان بھر لیں

عجب دربار دربار ہے شاہانہ خواجہ کا

مجھے ہے قرب محبوبِ خدا اس طرح حاصل

وہ شیدائی محمد کے میں ہوں دیوانہ خواجہ کا

میرا مینائے دل لبریز ہے عشقِ محمد سے

صراحی نقشبندی ہے تو ہے پیمانہ خواجہ کا

بصارت بھی ہے آنکھوں میں تو ہے دیدار کی طالب

میرے سینہ میں دل بھی ہے تو ہے دیوانہ خواجہ کا

دل حیرت زدہ تو ہی بنا دے کیا کہوں تجھ کو

تو کیسہ ہے مدینہ ہے کرہے کاشانہ خواجہ کا

تڑپتا لوٹتا مسعودؔ ہوں بزمِ محبت میں

ہیں خواجہ شمعِ محفل اور میں پروانہ خواجہ کا