ساقئی لالہ فام اہا ہا ہا
ساقئی لالہ فام اہا ہا ہا
اس کے ہاتھوں سے جام اہا ہا ہا
خلد جیسا مقام اہا ہا ہا
اور شرب مدام اہا ہا ہا
شب وصل اور گلشن جنت
اور وہ ماہِ تمام اہا ہا ہا
دل میں ان کا قیام اہا ہا ہا
وردِ لب ان کا نام اہا ہا ہا
ان کی زلفوں کے رخ کے نظارے
ہوتے ہیں صبح و شام اہا ہا ہا
ایک جا دونوں عاشق و معشوق
با حصول مرام اہا ہا ہا
میکدہ میں ہیں سب کے سب یکرنگ
مقتدی اور امام اہا ہا ہا
دیکھ کر تیرے روئے روشن کو
بولا ماہِ تمام اہا ہا ہا
بزم حسن و جمالِ جاناں اور
عاشقِ شاد کام اہا ہا ہا
مست تھے جس سے شبلی و منصور
اب ہو ں میں اور وہ جام اہا ہا ہا
ایک انسان کے واسطے یارب
اس قدم اہتمام اہا ہا ہا
کعبہ نے تیرے گھر کو سجدہ کیا
اور بتوں نے سلام اہا ہا ہا
اللہ اللہ کہ اٹھے اصنام
چھوڑ کر رام رام اہا ہا ہا
واعظا سیر میکدہ اور تو
اس قدر نیک کام اہا ہا ہا
آکے میخانہ میں جنابِ شیخ
کہہ اٹھے پی کے جام اہا ہا ہا
بادشاہوں کا بادشاہ بنا
تیرا ہر اک غلام اہا ہا ہا
شور رندوں میں ولیؔ نے کیا
مے کدہ میں قیام اہا ہا ہا
- کتاب : کلام ولی ولی الکلام (Pg. 314)
- Author : شاہ محمد ولی الرحمٰن
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
