غموں کی گر ہے صبح تو مصیبتوں کی شام ہے وہ دیکھو دیکھو کربلا میں آج اژدہام ہے

غموں کی گر ہے صبح تو مصیبتوں کی شام ہے وہ دیکھو دیکھو کربلا میں آج اژدہام ہے

وہ مرتضیٰ کا لاڈلا وہ متقی وہ با صفا وہ داستان کربلا کا بالیقیں امام ہے

بحکم رب کبریا تھے صف بصف ملائکہ امام کے حضور میں کیا یہ عرض مدعا

نبیؐ کے نور عین کو امام کو حسین کو تحیت والسلام ہے تحیت والسلام ہے

حنین و بدر کی زمیں پہ معرکہ کی ابتدا رسول کی حیات کے ورق کو تو پلٹ ذرا

پڑھے گا بار بار تو مؤرخوں کا فیصلہ یہ داستان کربلا اسی کا اختتام ہے

یہ امر بالیقین ہے کہ شمر جو لعین ہے قسم خدا کی دوستو یزید کا معین ہے

تقی کا انکشاف ہے عدو کا اعتراف ہے یہ بات صاف صاف ہے جو بر زبان عام ہے

عزیمت حسین یعنی مدح شاہ کربلا بیاں کرے ہے کو بہ کو بیاں کرے ہے برملا

بفضل رب ذو المنن بفیض نام پنجتن عطا ہوا تقیؔ کو ہے بیان و گفتگو کا فن یہ شکر کا مقام ہے