دربار علا کا کیا کہنا کس پیار سے باتیں ہوتی ہیں

دربار علا کا کیا کہنا کس پیار سے باتیں ہوتی ہیں

بو بکر و عمر عثمان و علی ہر یار سے باتیں ہوتی ہیں

معراج کی شب کا کیا کہنا اللہ رے ادب اللہ رے زباں

مختار تو ہیں خود بھی لیکن مختار سے باتیں ہوتی ہیں

ہے فیض و کرم تو عام ان کا ہے رحمتِ عالم نام ان کا

زردار سے باتیں ہوتی ہیں نادار سے باتیں ہوتی ہیں

معراج میں بھی خود اپنے لیے کب کوئی عنایت چاہتے ہیں

امت کے لیے ہیں اشک رواں غفار سے باتیں ہوتی ہیں

ہیں گوش و زباں بیکار وہاں پر لطف یہ ہے اے رازِ نہاں

طالب بھی وہی مطلوب بھی وہ اسرار سے باتیں ہوتی ہیں

ایک رازؔ وہاں پر حسن کا ہے ایک راز وہاں پر عشق کا ہے

دلدار سے باتیں ہوتی ہیں غمخوار سے باتیں ہوتی ہیں