بڑا دل_کش ہے کاشانہ شہود_الحق چشتی کا

بڑا دل کش ہے کاشانہ شہود الحق چشتی کا

شفا خانہ شفا خانہ شہود الحق چشتی کا

پتہ اللہ والوں نے یہی اللہ سے پایا

خدا خانہ ہے مے خانہ شہود الحق چشتی کا

در و دیوار سے آئے صد اللہ اکبر کی

وہ کاشانہ ہے کاشانہ شہود الحق چشتی کا

نبی کی خو علی کی بو حسن کی ہے ادا ان میں

ہے انداز کریمانہ شہود الحق چشتی کا

پیا جام شہود الحق ملی سوغات وحدت کی

نبی والا ہے پیمانہ شہودالحق چشتی کا

فرشتے صف بہ صف حاضر در اقدس پہ رہتے ہیں

عجب ہے رنگ شاہانہ شہود الحق چشتی کا

کرم ہے غوث کا اور شہ غلام غوث کا ہم پر

بنایا ہم کو مستانہ شہودالحق چشتی کا

کتاب زندگی کا ہر ورق قرآن کا پارہ

فقط اتنا ہے افسانہ شہودالحق چشتی کا

علی مولیٰ سا ہے سراپائے شہود الحق

علی والا ہے دیوانہ شہودالحق چشتی کا

نجف کا فیض ہے یہ ہے کرم اجمیر والے کا

کہ ہے چشتی چمن خانہ شہود الحق چشتی کا

غلام بے نوا ہوں خاک در ہوں سنگ جانا ہوں

میں پروانہ ہوں پروانہ شہود الحق چشتی کا

چلو اب سر کے بل عشاق جام اصدق پینے

کھلا ہے آج مے خانہ شہودالحق چشتی کا

تیری قسمت پہ اے غوثیؔ فرشتے ناز کرتے ہیں

تو دیوانہ ہے فرزانہ شہودالحق چشتی کا