یادِ آقا میں آگئے آنسو
یادِ آقا میں آگئے آنسو
اپنی قسمت جگا گئے آنسو
ان کی مدحت کا اک چراغ جلا
اور شدت بڑھا گئے آنسو
تشنگی جب بڑھی حضوری کی
جامِ شفقت پلا گئے آنسو
تھا بہت دور وہ درِ عالی
پر یہ دوری مٹا گئے آنسو
نامِ سرکار ہی لبوں پہ رہا
باقی سب کچھ بھلا گئے آنسو
ان کے ابرِ کرم کا ذکر ہوا
ایک لمحے میں چھا گئے آنسو
لفظ کب لائقِ سلامی تھے
اصل رشتہ نبھا گئے آنسو
ذکرِ سرکار پر بہیں کہ رکیں
کیسی مشکل میں آگئے آنسو
بزمِ سرکار میں چھلکنے لگے
اور مرا سر جھکا گئے آنسو
خود فریبی پہ گامزن تھا شکیلؔ
سیدھے رستے چلا گئے آنسو
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
