عروجِ نوعِ بشر اقتدائے نقشِ قدم
عروجِ نوعِ بشر اقتدائے نقشِ قدم
یہ عظمتوں کا سفر ہے عطائے نقشِ قدم
جہاں بھی ظلمت و شر کی اندھیر نگری تھی
حبیبِ رب کے وہاں جگمگائے نقشِ قدم
خدا کے دین کی تفسیر ہے تری سیرت
کسے مجال کہ تیرے مٹائے نقشِ قدم
پڑھا درودِ براہیم جھوم کر میں نے
جب ان کے آپ سے میں نے ملائے نقشِ قدم
ہمیں بھی سوز و ادب صدقہِ جامی و رضا
جو عمر بھر رہے دل سے فدائے نقشِ قدم
حضور نظرِ کرم ہو مرے بھی آنگن میں
حضور میں نے بھی گھر میں لگائے نقشِ قدم
جو میری روح معطر رہی درودوں سے
یہ اس لیے کہ بڑوں نے پلائے نقشِ قدم
شکیلؔ مدح سرا ہے تری عطائوں سے
قبول ہو مرے آقا ثنائے نقشِ قدم
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
