بیاں ہو کس طرح شانِ صحابہ
بیاں ہو کس طرح شانِ صحابہ
نبی کا عشق عنوانِ صحابہ
کبھی قرآن کو بھی پڑھ کے دیکھو
ہے کس رفعت پہ ایمانِ صحابہ
بڑی بے تاب ہوکر پیش ہوتی
نبی کے نام پہ جانِ صحابہ
نبی کا عشق اور شوقِ اطاعت
یہی سب کچھ تھا سامانِ صحابہ
انہوں نے دین پہنچایا خدا کا
بتا یہ کم ہے احسانِ صحابہ
جنہیں مطلوب ہے چاہت نبی کی
وہی سارے ہیں دربانِ صحابہ
فدا صدیق پر سب اہلِ ایماں
جو ہیں لاریب سلطانِ صحابہ
ہے بخشش پھر شکیلؔ اس کا مقدر
جو بن جائے ثنا خوانِ صحابہ
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
