خواجۂ خواجگاں رہبرِ رہبراں
دلچسپ معلومات
منقبت در شان خواجہ خان عالم نقشبندی (باؤلی-گجرات)
خواجۂ خواجگاں رہبرِ رہبراں
والیِ باؤلی قبلۂ عارفاں
آستانِ کرم کی مچی دھوم ہے
تیرا جود و سخا ہم کو معلوم ہے
کر دو مہر و عطا جو بھی محروم ہے
سب پہ چشمِ کرم محسنِ ناقصاں
خواجۂ خواجگاں رہبرِ رہبراں
والیِ باؤلی قبلۂ عارفاں
تیرا دربار ہے عظمتوں کا نشاں
بحرِ روحانیت معرفت کا جہاں
ذکر و الہام کا ساحلِ بے کراں
ایک چھینٹا ادھر بھی اے ابرِ رواں
خواجۂ خواجگاں رہبرِ رہبراں
والیِ باؤلی قبلۂ عارفاں
تم ہو خود آشنا تم ہو حق آشنا
فیضِ صدیقیت کی انوکھی ضیا
چشمہِ عشق ہو نازشِ اولیا
تیرے خدام بھی حسن کی کہکشاں
خواجۂ خواجگاں رہبرِ رہبراں
والیِ باؤلی قبلۂ عارفاں
میرے پردہ نشیں مجھ کو جلوہ دکھا
روح کو چادرِ نور بھی ہو عطا
کوچۂ جاں مہکتا رہے دلربا
زندگی کی تپش میں ہو تم سائباں
خواجۂ خواجگاں رہبرِ رہبراں
والیِ باؤلی قبلۂ عارفاں
دل کے ویراں نگر پھر سے پُر نور ہوں
کاسے سب کے مرادوں سے بھرپور ہوں
جو پریشان آئے ہیں مسرور ہوں
تم بڑے ہی سخی تم بڑے مہرباں
خواجۂ خواجگاں رہبرِ رہبراں
والیِ باؤلی قبلۂ عارفاں
میری پہچان مرشد نگر سے ہوئی
یہ پذیرائی سب تیرے در سے ہوئی
جو عنایت ہوئی تیرے گھر سے ہوئی
ہے شکیلؔ اب یہی نام وردِ زباں
خواجۂ خواجگاں رہبرِ رہبراں
والیِ باؤلی قبلۂ عارفاں
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
