بیاں توصیف اس یکتائے بے ہمتا کی کیونکر ہو

بیاں توصیف اس یکتائے بے ہمتا کی کیوں کر ہو

جو خود ہی آئینہ ہو، آئینہ میں ہو سکندر ہو

سلام اس سرور عالم پہ اس بدرالدجیٰ پر ہو

درود اس پر زمانہ میں ہوا جس کا نہ ہمسر ہو

تمہیں ہو فاتح عالم تمہیں عالم کے سرور ہو

تمہیں تو قصر موجودات کے محراب و ممبر ہو

نہیں کوثر کا پیاسا، تشتۂ دیدار حضرت ہوں

ذرا میری طرف بھی اک نظر ساقیٔ کوثر ہو

تمنا ہے الٰہی کہ مئے عشق محمد سے

بوقت جاں کنی لبریز میرے دل کا ساغر ہو