پھولوں سے شگفتہ ہے قمر سے تو حسیں ہے

پھولوں سے شگفتہ ہے قمر سے تو حسیں ہے

تجھ جیسا شہا کوئی نہیں کوئی نہیں ہے

قرآں کی ہر اک بات پہ ایمان و یقیں ہے

سلطان فلک ہے توہی سلطان زمیں ہے

جس روضۂ انوار پہ خم عرش بریں ہے

اس روضۂ انوار پہ خم میری جبیں ہے

ہر در کا بدل ڈھونڈے سے مل جائے گا لیکن

تمثیل کہیں شہر مدینہ کی نہیں ہے

پیش آئیں گے محشر میں فرشتے بھی ادب سے

عشق شہ کونین اگر دل میں مکیں ہے

کہہ دوں گا مدینے میں پہنچ کر شمیمؔ ان سے

جینا بھی یہیں ہے مجھے مرنا بھی یہیں ہے