نکل جائے دم یا علی کہتے کہتے
دلچسپ معلومات
منقبت در شان حضرت علی مرتضیٰ (نجف-عراق)
نکل جائے دم یا علی کہتے کہتے
چلیں یاں سے ہم یا علی کہتے کہتے
یہ منزل کڑی ہوگی باتوں ہی میں طے
کہ جائیں عدم یا علی کہتے کہتے
ملا ہم کو سب دین و ایمان کا
یہ جاہ و حشم یا علی کہتے کہتے
جب ہی منزل فقر آسان ہوگی
اٹھے ہر قدم یا علی کہتے کہتے
دلا پیر برحق کا پابند ہو
قدم با قدم یا علی کہتے کہتے
اسی بت کا نقشہ جو پردہ نشیں ہے
گیا دل میں جم یا علی کہتے کہتے
الٰہی دم نزع یہ ہوش ہووے
نکل جائے دم یا علی کہتے کہتے
یقیں ہے میسر تجھے شمسؔ ہوگا
وصالِ صنم یا علی کہتے کہتے
مأخذ :
- کتاب : آئینۂ اسرار معرفت (Pg. 59)
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
