ہے کلمہ لب پہ تو ورد زباں ہے نام ترا

ہے کلمہ لب پہ تو ورد زباں ہے نام ترا

زمیں سے تا بہ فلک، ذکر صبح و شام ترا

تری ہے ذات، ملائک کے فہم سے بالا

سمجھ میں آئے گا انساں کے کیا مقام ترا

یہ رات دن کے مناظر، نظامِ شمس و قمر

نظر فروز ہے کیا حسن انتظام ترا

ہر ایک سمت نمایاں ہیں رحمتیں تری

جدھر بھی دیکھیں جاری ہے فیضِ عام ترا

وہ آنکھ کیا ہے کہ جس میں نہیں ہے نور ترا

وہ دل ہے کیا کہ جس میں نہیں احترام ترا

فقط ملائک و جن و بشر پہ کیا موقوف

سنایا نخل و ثمر نے بھی ہے پیام ترا