شمس_الضحیٰ بدرالدجیٰ تیری بڑی توقیر ہے

شمس الضحیٰ بدرالدجیٰ تیری بڑی توقیر ہے

صورت تیری شاہ امم اللہ کی تصویر ہے

ختم رسل حسن عطا سب کے لیے تنویر ہے

وہ سبز گنبد کا مکیں سارے جہاں کا پیر ہے

دنیا سے تا روز جزا ان کا ہے مجھ کو آسرا

میں ہوں غلام مصطفیٰؐ کیسی مری تقدیر ہے

واللیل ہو یا کہکشاں زلف نبی پر ہیں فدا

اس میں بندھے ہیں دو جہاں کتنی حسیں زنجیر ہے

دشمن بھی کہتے ہیں یہی کیا بات ہے سرکار کی

نہ آنکھ میں قہر و غضب نہ ہاتھ میں شمشیر ہے