تمہارے نقشِ قدم پہ وارث جبین اپنی جھکی ہوئی ہے

تمہارے نقشِ قدم پہ وارث جبین اپنی جھکی ہوئی ہے

اسی سے دل میں عقیدتوں کی حسین محفل سجی ہوئی ہے

کبھی تو پردہ اٹھاؤ گے تم کبھی تو آنکھوں کو دید ہوگی

تمہارے درسے اے شاہِ دیویٰ یہ لو ہماری لگی ہوئی ہے

کہاں کہاں اپنے ہم عمل سے زمانے میں شرمسار ہوتے

تمہارا یہ کرم ہے وارث کہ بات اپنی بنی ہوئی ہے

جہاں میں تو اور بھی ولی ہیں سبھوں سے رکھتاہوں میں عقیدت

مگر نظر تو ہماری وارث تمہارے در پہ لگی ہوئی ہے

یہ ادنیٰ سا ہے غلام تیرا کہاں وہ شوکت کا مرتبہ ہے

یہ سبھی ہے فیضان تیرا جو شان اپنی بڑھی ہوئی ہے