ہوا پھر نبی کا کرم الله اللہ

ہوا پھر نبی کا کرم اللہ اللہ

چلے ہم بھی سوئے حرم اللہ اللہ

درودوں کے نغمات وردِ زباں ہیں

مسرت سے آنکھیں ہیں نم اللہ اللہ

چلے جارہے ہیں مدینہ کی جانب

غلامانِ شاهِ امم اللہ اللہ

عجب شان دیکھی دیارِ نبی میں

نہ سوزش نہ کلفت نہ غم اللہ اللہ

نہ فکرِ اعزه روزی کا دکھڑا

نہ گھر چھوٹنے کا الم اللہ اللہ

کھڑے ہیں ہر اک صف میں شانہ بہ شانہ

عراقی و ہندی بہم اللہ اللہ

نہ ہے امتیازِ غریب و تونگر

نہ تفریق عرب و عجم اللہ اللہ

مجھے خوف کیا ہو سکندرؔ سفر میں

ہے ہمراہ ان کا کرم اللہ اللہ