نہ تونگری کی طمع مجھے نہ ہی مفلسی کا خیال ہے

نہ تونگری کی طمع مجھے نہ ہی مفلسی کا خیال ہے

میں درِ رسول سے دور ہوں مجھے روز و شب یہ ملال ہے

وہ خدا کی ذات و صفات کے ہیں بشر کے روپ میں آئینہ

نہ زمیں پر ان کی نظیر ہے نہ فلک پر ان کی مثال ہے

میں دعا کو ہاتھ اٹھاؤں کیوں میں زباں پہ حاجتیں لاؤں کیوں

جہاں جھولی بھرتی ہو بے طلب وہاں کیا طلب کا سوال ہے

حرمِ خدا میں ہوں خوش مگر حرمِ نبی میں ہوں مطمئن

وہاں رب کی شانِ جلال ہے یہاں مصطفیٰ کا کمال ہے

جو کرم ہے میرے حضور کا جو عطا ہے میرے رسول کی

میں سکندرؔ اس کو بھلا سکوں میری زندگی میں محال ہے