جسے الفت کا اپنی ایک ذرہ دے دیا تو نے

جسے الفت کا اپنی ایک ذرہ دے دیا تو نے

خدا شاہد ہے اس قطرے کو دریا کر دیا تو نے

لگائے دل بھلا کیسے خراباتِ زمانہ سے

کہ جس کو یا حبیب اللہ اپنا کر لیا تو نے

اٹھے دستِ طلب پھر کیوں درِ اغیار پر اس کے

کہ کاسہ دولتِ ایمان سے جس کا بھر دیا تو نے

تمہارے نور کا صدقہ ہے اطرافِ دوعالم میں

قمر کو روشنی بخشی ہے تاروں کو ضیا تو نے

یہ الطاف و کرم امت کو اپنی رحمت عالم

بھلا یا وقتِ رحلت بھی نہ محبوبِ خدا تو نے