غیر ممکن ہے آنکھیں نہ پُر آب ہوں

غیر ممکن ہے آنکھیں نہ پُر آب ہوں

ان کے روضے کے جا کر قریں دیکھیے

ہم سے محتاج و نادار کا ذکر کیا

تاجداروں کی خم ہے جبیں دیکھیے

چرخ پر بھی تصرف ہے سرکار کا

فرش بھی ان کے زیرِ نگین دیکھیے

جلوہ فرما ہیں خضریٰ کے دربار میں

عرشِ اعظم کے مسند نشیں دیکھیے

عظمتِ سیدالمرسلیں دیکھیے

زیرِ پا ان کے عرشِ بریں دیکھیے

دیکھیے کب سکندرؔ ہو پھر حاضری

کب سکوں پائے قلبِ حزیں دیکھیے