جس کو وہ آستانِ نبی مل گیا جس کو وہ بارگاہِ حسیں مل گئی

جس کو وہ آستانِ نبی مل گیا جس کو وہ بارگاہِ حسیں مل گئی

میرا ایمان ہے اس مسلمان کو رہ کے دنیا میں خلدِ بریں مل گئی

ان کے روضے کا دیدار جس کو ہوا اس کو دیدارِ خیرالبشر ہوگیا

ان کا دیدار جس کو میسر ہوا مغفرت کی سند باالیقیں مل گئی

ان کے کوچے کی وہ کیف آور فضا ان کے روضے کی وہ روح پرور ضیا

قلب کا گوشہ گوشہ منور ہوا روح کو تازگی ہمنشیں مل گئی

جب خطا کار توبہ پر مائل ہوا اور دربارِ طیبہ میں حاضر ہوا

مثل مادر کے آغوش کھولے ہوئے رحمتِ سیدالمرسلین مل گئی

عشقِ محبوب میں جو فنا ہوگیا موت اس کو بہ شکلِ بقا مل گئی

بخت کا بھی سکندرؔ سکندر ہے وہ جس کو طیبہ میں دو گز زمیں مل گئی