اک بے زر و نادار کو قدموں میں بلایا

اک بے زر و نادار کو قدموں میں بلایا

یہ شانِ کرم شاہِ امم یاد ہے اب تک

سرکار کی اس شانِ کریمی کے تصدق

دیکھا ہے کئی بار حرم یاد ہے اب تک

جب بھی میرے آقا نے مدینے میں بلایا

رکھا میرا ہر بار بھرم یاد ہے اب تک

در پر بھی بلایا میری جھولی بھی بھری ہے

محتاج کو یہ لطف و کرم یاد ہے اب تک

میں سوچ رہا تھا درِ جبریل پر جا کر

سر رکھوں میں پہلے کہ قدم یاد ہے اب تک

سجدوں میں وہ لذت تھی کہ دل جھوم رہا تھا

جب سر تھا درِ پاک پر خم یاد ہے اب تک