مدینے کے والی دو عالم کے داتا میری بھی نظر سوئے طیبہ لگی ہے

مدینے کے والی دو عالم کے داتا میری بھی نظر سوئے طیبہ لگی ہے

میں محتاج ہوں اک نگاہِ کرم کا تمہارے کرم پر میری زندگی ہے

تمہارے ہی در سے ہے میرا گزارا تمہارے ہی دربار کا ہوں میں منگتا

جو تم سے نہ مانگوں تو پھر کس سے مانگوں تمہارا تو سارا گھرانہ سخی ہے

مدینے کی راہوں پہ صدقے دل و جاں مدینے کی گلیوں پہ سو جان قرباں

نجومِ فلک کو کہاں یہ میسر مدینے کے ذروں میں جو دلکشی ہے

یہاں رہ کے جینا ہے مرنے سے بدتر وہاں جا کے مرنا ہے جینے سے بہتر

میسر جو ہو ان کے قدموں میں رہ کر وہی زندگی اصل میں زندگی ہے

ہزاروں ہی میخوار طیبہ میں جا کر شب و روز پیتے ہیں عرفاں کے ساغر

نہیں کوئی آتا ہے تشنہ سکندرؔ یہ ساقیِ کوثر کی دریا دلی ہے