شہ ہندوستاں شان نبی اجمیر کے خواجہ
دلچسپ معلومات
منقبت در شان غریب نواز خواجہ معین الدین چشتی (اجمیر-بھارت)
شہ ہندوستاں شان نبی اجمیر کے خواجہ
ولایت کے نگیں جانِ علی اجمیر کے خواجہ
سفینہ ہے تلاطم میں نظر آتا نہیں ساحل
لگا دے پار ولیوں کے ولی اجمیر کے خواجہ
غم و اندوہ نے گھیرا تباہی پر تباہی ہے
بڑھی جاتی ہے میری بیکلی اجمیر کے خواجہ
سکوں ملتا نہیں گلشن میں تیرے نام لیوا کی
ہے مرجھائی چمن کی ہر کلی اجمیر کے خواجہ
نہیں ملتا کہیں مسکن گلستاں میں شہ والا
ہزاروں کو اماں تجھ سے ملی اجمیر کے خواجہ
مزار پاک سے انوار کی تابش نکلتی ہے
بھری عرفاں سے ہے تیری گلی اجمیر کے خواجہ
ہے دستارِ فضیلت جامعہ کا اے مرے مولیٰ
چمک جائے ہر اک دل کی کلی اجمیر کے خواجہ
نئے انداز سے کلیاں چمن میں مسکراتی ہیں
حیاتِ دائمی ان کو ملی اجمیر کے خواجہ
صدا دیتا ہے برسوں سے شرفؔ در پر ترے آقا
ملے اس کی تمنائے ولی اجمیر کے خواجہ
- کتاب : ماہنامہ پاسبان، الہ آباد
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
