ہند میں ہیں قطب کاکی سنجری فیض مبیں

ہند میں ہیں قطب کاکی سنجری فیض مبیں

جن سے حاصل ہو مریدوں کو سدا علم الیقیں

بارگاہ قطب کاکی مرکز فیضان نور

ہر عقیدت مند کو کر دے گا عبد باشعور

کشتگانِ خنجر تسلیم پر فائز رہے

آپ کی محفل میں پیہم علم کے دربار بہے

خواجگانِ چشت کا صدقہ بھی ہو حاصل حضور

مجھ کو بھی فیض نظر سے کیجیے کامل حضور

آنکھ موندوں تو نظر آتا ہے روضہ آپ کا

مجھ کو بھی مل جائے شاہا کچھ تو صدقہ آپ کا

مجھ سے جو وابستہ ہو اس کو یہ تحفہ دیجیے

بس فنا فی الشیخ کی منزل پہ پہنچا دیجیے

ایک معروضہ ہے آقا اس قدر احسان کا

روز محشر بس کہ بیڑا پار ہو سلطانؔ کا