اے رویت بستانِ جاں یا غوث العظم الغیاث

اے معرفت کے باغ کی رونق اے غوث عظم میری فریاد سنیے اور اے وہ ذات جس کی سر اور جان سے پیروی کی جاتی ہے یعنی اے غوث عظم آپ میری فریاد سنیے۔

اے رسول اللہ کے پاک و پاکیزہ نوازے اے علی مرتضٰی کے بیٹے ہدایت کے سورج تقوے کے چاند اے غوث عظم میری فریاد سنیے۔

آپ جیلان کے بادشاہ ہیں خدا کے معشوق ہیں اللہ کے پیار ہیں اے غوث عظم میری فریاد سنیے۔

آپ قدرت رکھنے والے، عقل و حکمت والے ہیں مشکلوں کو دور کرنے والے سردار ہیں، امام حسن مجتبٰی کے صاحبزادے دشمنوں کی صفوں کو پلٹ دینے والے اے غوث عظم میری فریاد سنیے۔

آپ ہی میری ضرورتیں پوری کیجئے میرا سوال آپ ہی سے پورا ہوگا اور اس نعمت پر خود شکر کے لئے بھی آپ ہی ذات سے سوال ہے مجھ سے شکر بھی ممکن کہاں اے غوث عظم میری فریاد سنیے۔

میری عرض سنیے میری فریاد سنیے اپنے ذات پاکِ باغ و بہار سے میری مدد فرمائیے جلد میری مدد کو آئیے اے غوث عظم میری فریاد سنیے۔

اصغرؔ آپ کے نام کا غلام ازل سے ہی آپ کے جام سے مست ہے آپ کے احسان اور کرم کا عادی ہے اے غوث عظم میری فریاد سنیے۔