فخر_آدم جان_عیسی آپ ہیں

فخر آدم جان عیسی آپ ہیں

رب ہی جانے اور کیا کیا آپ ہیں

حاصل‌ ایمان اور مقصود کن

شان لولاکی کو زیبا آپ ہیں

روز محشر کا مجھے ہو خوف کیوں

میری بخشش کا وسیلہ آپ ہیں

چشم رحمت کی ہو مجھ پہ بھی نظر

میرا ملجا میرا ماویٰ آپ ہیں

عاشقوں کا دین و ایماں جان و دل

اور ان کا قبلہ کعبہ آپ ہیں

نیر بزم رسالت ہو تم ہی

یعنی سب نبیوں کے دولہا آپ ہیں

آپ ہیں روح روان عالمیں

با لیقیں موجود و زندہ آپ ہیں

آپ ہی کی شان میں ہے والضحا

صاحب یاسین و طہٰ آپ ہیں

جب پڑھا قرآں تو یہ آیا سمجھ

رب کے محبوب یگانہ آپ ہیں

صدقہ میں حسنین کے رکھنا بھرم

عاصیوں کا بس سہارا آپ ہیں

حاصل‌ ایمان مقصود اثرؔ

جان جاں جان تمنا آپ ہیں