تم حبیبِ خدا خواجۂ خواجگاں

تم حبیبِ خدا خواجۂ خواجگاں

نورِ صلی علیٰ خواجۂ خواجگاں

نورِ زہرا و نورِ حسین و حسن

ابنِ شیرِ خدا خواجۂ خواجگاں

ہند کو مصطفیٰ نے تجھے ہے دیا

ہند کے بادشاہ خواجۂ خواجگاں

تیری صورت میں جلوہ نما مصطفیٰ

حسنِ آلِ عبا خواجۂ خواجگاں

خم ہے آگے ترے گردنِ اؤلیا

رہبرِ اؤلیا خواجۂ خواجگاں

بہرِ عثماں مجھے بھی کرو تم عطا

صدقۂ سیدہ خواجۂ خواجگاں

ہاں سکوں دیتا ہے میرے دل کو سدا

تیرا اسمِ شفا خواجۂ خواجگاں

میری امداد کر اے معینِ جہاں

بہرِ غوث الوریٰ خواجۂ خواجگاں

قطبِ عالم نیازِ جہاں کے طفیل

کردو چشمِ عطا خواجۂ خواجگاں

مرشدِ با صفا خواجہ مسلم پیا

بھی ہے تیری عطا خواجۂ خواجگاں

کون تم سا کرم میں عطا میں ہوا

تم ہو بہرِ سخا خواجۂ خواجگاں

جو ہیں اسرارِ ربِ جہاں کے سبھی

آپ کو ہے پتہ خواجۂ خواجگاں

مشکلوں سے بھلا کیسا ڈرنا حسنؔ

جب ہے مشکل کشا خواجۂ خواجگاں