مصطفیٰ کی عطا خواجہ مسلم پیا

مصطفیٰ کی عطا خواجہ مسلم پیا

ابنِ شیر خدا خواجہ مسلم پیا

یاد آئے جسے دیکھ کر کبریا

ایسا چہرہ تیرا خواجہ مسلم پیا

کون ہے تیرا رہبر یہ پوچھا گیا

دل سے آئی صدا خواجہ مسلم پیا

جس کے گھر کا ہر اک فرد ہی ہے ولی

ایسا گھر ہے تیرا خواجہ مسلم پیا

اعلیٰ رتبہ ولایت کا تجھ کو ملا

ابنِ خیرالنسا خواجہ مسلم پیا

علی احمد کی صورت میں دیکھا گیا

تیرا جلوہ عیاں خواجہ مسلم پیا

سارے عالم میں قیمت میری بڑھ گئی

جب سے تیرا ہوا خواجہ مسلم پیا

فیض خواجہ پیا اور غوث الوریٰ

تیرے در سے ملا خواجہ مسلم پیا

جام عشق نبی اور آلِ نبی

تو نظر سے پلا خواجہ مسلم پیا

سیرتِ مصطفیٰ کے جو تابع رہی

تیری ہر اک ادا خواجہ مسلم پیا

سن کے شان و تجمل یہ بولے سبھی

تیرا رتبہ جدا خواجہ مسلم پیا

میں نے لےکر تیرے نام سے کر دیا

ہر بلا کو دفاع خواجہ مسلم پیا

ہم گنہگاروں کو تیرے در سے ملا

راہ حق کا پتا خواجہ مسلم پیا

میں نے مانگا تھا جو جھولی بھر کے ملا

بحر جود و سخا خواجہ مسلم پیا

فیض سے مستفیض رکھ حسنؔ کو صدا

ہے یہی التجا خواجہ مسلم پیا