آلِ عبا کا پیارا سرکار شاہِ میراں

آلِ عبا کا پیارا سرکار شاہِ میراں

نورِ نگاہِ زہرا سرکار شاہِ میراں

مثلِ دولہن سجی ہے درگاہِ شاہِ والا

دیکھو بنا ہے دولہا سرکار شاہِ میراں

محفوظ ہے وہ دیکھو دنیا کی ہر بلا سے

آتا ہے جس کو کہنا سرکار شاہِ میراں

آئے ہیں جتنے زائر دنیا سے ہو کے مایوس

ان پر کرم تو فرما سرکار شاہِ میراں

کھالی ہے میرا کاسہ اس میں ہی ڈال دیجے

آلِ عبا کا صدقہ سرکار شاہِ میراں

خواجہ پیا کا قطب و گنجِ شکر کا یکساں

تجھ میں عیاں ہے جلوہ سرکار شاہِ میراں

اقطاب اور ابدال آتے ہیں حاضری کو

ایسا ہے اعلیٰ رتبہ سرکار شاہِ میراں

سفلی و جادو ٹونا ہر اک مرض کی خاطر

دارالشفا ہے روضہ سرکار شاہِ میراں

شاہ و گدا ہیں جھکتے دامن پسارے اپنا

ایسا سخی ہے داتا سرکار شاہِ میراں

خواہش ہے یہ حسنؔ کی ہر دم نظر میں اپنی

اس کو چھپائے رکھنا سرکار شاہِ میراں