رنگِ حیدر حضرتِ مسلم پیا کا رنگ ہے

رنگِ حیدر حضرتِ مسلم پیا کا رنگ ہے

دلبر خواجہ بشیرالاؤلیا کا رنگ ہے

رخ پہ بکھری زلف ہیں تیری رسولِ پاک سی

اور چہرے سے عیاں شیرِ خدا کا رنگ ہے

کیف و مستی میں یہی کہتے نظر آئے سبھی

بالیقیں حسنین سا اس رہنما کا رنگ ہے

صبغت اللہ کے وسیلے سے کھلا یہ بھید ہے

رنگِ مسلم در حقیقت میں خدا کا رنگ ہے

گاؤں بکوا کے قمر تیری ضیا کے میں نثار

تجھ میں روشن خود کئی اک اؤلیا کا رنگ ہے

دیکھا جس کو اک نظر سے رنگ اپنا دے دیا

تیری آنکھوں میں نہاں خواجہ پیا کا رنگ ہے

دیکھ کر مسلم پیا کے رنگ کو عشاق بھی

بول اٹھے خوب تیرے پیشوا کا رنگ ہے

رنگ تو لاکھوں حسیں ہیں پر حسنؔ تیرے لیے

سب سے دلکش اور حسیں مسلم پیا کا رنگ ہے