دیکھتی رہ گئیں سماں آنکھیں
دیکھتی رہ گئیں سماں آنکھیں
کیسے سرکار کی جواں آنکھیں
جیسے سرکار کو خدا نے دیں
ایسی دنیا میں ہیں کہاں آنکھیں
موسیٰ جس کو نہ دیکھ پائے تھے
دیکھ آئیں وہ لا مکاں آنکھیں
چار سو دیکھتے مرے آقا
ایسی روشن ہیں کب یہاں آنکھیں
ایسی کامل نظر ہے مولیٰ کی
دل کا دیکھیں وہ سب جہاں آنکھیں
میرے احمد کی مجھ کو آئیں نظر
جس طرف دیکھ لوں وہاں آنکھیں
ہر بشر کی زمین آنکھیں ہیں
میرے آقا کی آسماں آنکھیں
دل میں رکھ کر بشر جو آتا تھا
جان لیتی تھیں سب نہاں آنکھیں
دو کماں فاصلے پہ رب جن کے
کیسے کر سکتا ہوں عیاں آنکھیں
آپ کی دید کے لیے قائمؔ
میری ہر دم کریں فغاں آنکھیں
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
