خوش آں اشکے کہ در چشم از حدیث کربلا آمد

مبارک ہے وہ آنسو جو ذکرِ کربلا سن کر آنکھ میں آجائے، حضرت حسین ابن علی کی تذکرہ کا مہینہ آگیا ہے۔

محرم کے اس خونیں چاند سے محشر کیوں نہ برپا ہو، خاتم آل عبا کے ایفائے عہد کا مہینہ آگیا ہے۔

عز ادار چہرۂ دلِ کا گردو غبار آنسوؤں سے دھو لیتے ہیں، مردان خدا کی پیشانیوں کو روشن کرنے والا مہینہ آگیا ہے۔

خونِ زخم پنہاں کو غزا دار اپنے ہاتھ سے اپنے سینہ پر ملتے ہیں، (سینہ زنی)، اہل عزا کے ہاتھوں کی آزمائش کا مہینہ آگیا ہے۔

پانی پانی کیوں نہ ہو جائے، جب کہ حُر اپنی مغفرت کے لیے فوج حسینی میں آگیا ہے۔

علم لدنی کوئی دوسرا کیسے حاصل کر سکتا ہے کیونکہ یہ خلعت اہلبیت مصطفیٰ ہی کے لیے ہے۔

عشق کی شراب الصالحین دنیا میں کم یاب ہے، کیوں کہ یہ تندو تیز شراب صرف تولاکے مستوں ہی کے حلق میں پہنچ سکتی ہے۔

دو روزہ حیات کو کم و بیش ایک رات سمجھو کہ ہر شخص دنیا میں مسافروں کی طرح آیا ہے۔

خونی قبا پہننے والے شہدائے کربلا کا میں نے کوئی ہمسر نہیں دیکھا اے ضیاؔ (خدا جانے) ان شہیدوں میں یہ جامہ زیبی کہاں سے آ گئی۔