محبوب خدا کے پیارے ہیں صدیق و عمر عثمان و علی

محبوب خدا کے پیارے ہیں صدیق و عمر عثمان و علی

جنت کی بشارت والے ہیں صدیق و عمر عثمان و علی

اسلام کو عظمت بخشی ہے توقیر بڑھائی ایماں کی

افلاک ہدیٰ کے تارے ہیں صدیق و عمر عثمان و علی

سر کار نے جو کچھ فرمایا دنیا کو وہ کرکے دکھلایا

کردار و عمل کے سچے ہیں صدیق و عمر عثمان و علی

توقیر صحابہ ایماں کا اک جز ہے یہ میرا ایماں ہے

مؤمن کے دلوں میں رہتے ہیں صدیق و عمر عثمان و علی

غزوات و سرایا ہوں یا ہو اعلان کسی قربانی کا

ہر سمت تمہارے جلوے ہیں صدیق و عمر عثمان و علی

ہم نے جو پڑھی سیرت ان کی بے ساختہ نکلا یہ منہ سے

بس کنزِ نبی کے ہیرے ہیں صدیق و عمر عثمان وعلی

کیسی بھی چلے دنیا کی ہوا کیسا بھی ہو رنگ زمانے کا

ہم آپ کے آپ ہمارے ہیں صدیق و عمر عثمان وعلی

ہم مسلک وسلک کیا جانیں کیا ہم کو سیاست سے مطلب

ہم کو تو بس اچھے لگتے ہیں صدیق و عمر عثمان و علی