اللہ اللہ یہ سعادت اور یہ رتبا عمر

اللہ اللہ یہ سعادت اور یہ رتبا عمر

بعد رحلت بھی ملا ہے پہلوئے آقا عمر

جس میں شامل آپ ہو جاتے ہیں باطل کے خلاف

اور ہی ہوتا ہے کچھ اُس جنگ کا نقشا عمر

بدر خیبر اور احزاب و احد میں بارہا

آنکھوں والوں نے ہے دیکھا آپ کا جلوا عمر

آپ سے پہلے نمازیں چھپ کے ہوتی تھیں مگر

آپ نے آکر بجایا دین کا ڈنکا عمر

میں کسی بھی اِزم سے مرعوب ہوسکتا نہیں

میرے ذہن و دل پہ ہے بس آپ کا قبضا عمر

آگیا جب بے کسوں کی خیر خواہی کا سوال

اس دکھی انسانیت نے آپ کو دیکھا عمر

ہیں زمانے کی نظر میں اک مثالی حکمراں

حکمرانی آپ کی بے داغ بے دھبا عمر

آپ کی سیرت کی تھوڑی چھوٹ جس پر پڑ گئی

اس سے تھرانے لگے ہیں قیصر و کسریٰ عمر

قتل کی نیت سے آئے تھے وہ آقا کی طرف

لے کے نکلے ہیں وہاں سے خلد کا مژدا عمر

آپ ہی کے نام پر رکھتا ہوں میں بچوں کا نام

نام لیوا آپ کا ہے میرا ہر بچا عمر