یار ختم المرسلیں عثمان ہیں
دلچسپ معلومات
منقبت در شان حضرت عثمان غنی (مدینہ-سعودی عرب)
یار ختم المرسلیں عثمان ہیں
دین کے دستِ یمیں عثمان ہیں
دین کی امداد و خدمت کے سبب
صاحبِ خلدِ بریں عثمان ہیں
چاہِ رُومہ نے بتایا ہے ہمیں
نصرتِ دینِ مبیں عثمان ہیں
مصطفیٰ کو کہیے خاتم دین کا
اس کے تابندہ نگیں عثمان ہیں
بیعت رضواں سے ثابت ہوگیا
کتنے آقا سے قریں عثمان ہیں
سیرتِ عثماں سے چلتا ہے پتا
ہیں جہاں آقا وہیں عثمان ہیں
منفرد عالم میں ہے ان کی حیا
حلم کا پیکر حسیں عثمان ہیں
مصطفیٰ نے دیں انہیں دو بیٹیاں
کتنے سیرت کے حسیں عثمان ہیں
دوست دشمن ہر کسی کے واسطے
مہرباں خندہ جبیں عثمان ہیں
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
