رب کے احکامات مطلق روشنی اس کا خطاب

رب کے احکامات مطلق روشنی اس کا خطاب

رب نے بھیجی آخری دنیا میں طیب اک کتاب

اس لیے قرآن میں آئینِ حق بھیجا گیا

اب قیامت تک چلے گا ربِ عالم کا نساب

اس کی قدرت کے مناظر دیکھ کر حیراں ہوں میں

بے ستوں ہے آسماں اس پر سجایا آفتاب

اللہ اللہ ربِ عالم کی یہ قدرت دیکھے

ضوفشاں ہے درمیاں تاروں کے دائم ماہتاب

آ ذرا گلزار میں کچھ غور کر کچھ فکر کر

وہ کھلا دیتا ہے خاروں میں بھی نسرین و گلاب

جب سوا نیزے پہ سورج آئے تو پروردگار

بھیج دینا امتِ آقا پہ رحمت کا سحاب

وہ تو شہ رگ سے قریں ہے دور ہے تو اس قدر

ہر جگہ موجود بھی ہے اور نظروں سے غیاب

یا الٰہی تو بڑا ستار ہے غفار ہے

حشر کے دن بخش دینا مولا مجھ کو بے حساب

جس نے طاعت کی خدا کی اور رسولِ پاک کی

اس کے چہرے کو ملے گی رونقِ صد آب و تاب

جس نے بھی لوٹا ہے یارب! میرے ارضِ پاک کو

کیفرِ کردار تک پہنچا اسے اور دے عذاب

مؤمنوں کو حشر میں طاہرؔ ثمر مل جائے گا

واسطے ہے مجرموں کے حشر میں رب کا عتاب