ترے فضل و کرم سے ہے ہویدا
ترے فضل و کرم سے ہے ہویدا
یہ دن اور رات نورانی سویرا
تو مالک اور رازق ہے سبھی کا
ہر اک بندہ ترا ہی رزق کھاتا
اطاعت کر خدا کی مصطفیٰ کی
نجات و مغفرت کا ہے یہ جادہ
تو عامل بن کے قرآنِ مبیں کا
خدا کے دوستوں کی صف میں آجا
محبت سے اطاعت کر خدا کی
محبت سے زمانے بھر پہ چھاجا
مرے رب کی پکڑ سے کیا بچے گا
غریبوں کو جو ظالم ہے ستاتا
جو بیٹھا حمد لکھنے کو کبھی میں
تو قرآں سے کیا ہے استفادہ
ہے ذکرِ ربِ عالم میں بلا شک
سکونِ قلب طاہرؔ بے تحاشا
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
