میرا مولیٰ میرا خدا تو ہے
میرا مولیٰ میرا خدا تو ہے
ہر بلندی کی انتہا تو ہے
تو ہی فتاح اور ہادی تو
بند رستوں کو کھولتا تو ہے
کبر تیرے لیے ہے ربِ جلیل
لا شریک اور کبریا تو ہے
اپنے بندوں کا ایک ایک عمل
میرے معبود دیکھتا تو ہے
جب بھی اخلاص سے کیا سجدہ
میرے مالک مجھے ملا تو ہے
میری اپنی نوا نہیں کوئی
درحقیقت مری نوا تو ہے
کوئی حامی نہیں ہے جن کا یہاں
ان کا حامی بھی آسرا تو ہے
یہ ہے حق الیقین طاہرؔ کا
سب کے ہر درد کی دوا تو ہے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
