بڑا مشکل ہے دنیا میں گزارا یا رسول اللہ
بڑا مشکل ہے دنیا میں گزارا یا رسول اللہ
مجھے در پر اب اپنے بلا لو یا رسول اللہ
بہ روز حشر کملی میں چھپانا یا رسول اللہ
تمہارا ہوں تمہارا ہوں تمہارا یا رسول اللہ
سفینہ ہے بھنور میں اور بڑی مشکل میں ہستی ہے
سہارا یا رسول اللہ سہارا یا رسول اللہ
سرور و وجد کی اک کیفیت دل پر ہوئی طاری
کہ جب بھی نامِ نامی ہے پکارا یا رسول اللہ
کبھی جلوہ دکھا دینا مجھے بھی خواب میں رہنا
چمک جائے گا قسمت کا ستارہ یا رسول اللہ
درودِ پاک پڑھتا ہوں تمہاری یاد آنے پر
تمہارے غم نے میرا دل نکھارا یا رسول اللہ
تمہارا سوزؔ تشنہ کام ہے اس کی خبر لینا
مئے توحید اس کو بھی پلانا یا رسول اللہ
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
