ہے ظہور تیرا ہی چار سو تری شان جل جلالہُ
ہے ظہور تیرا ہی چار سو تری شان جل جلالہُ
مہہ و مہر بھی عیاں ہے تو تری شان جل جلالہُ
کروں حمد میں وہ زباں نہیں مرا ایسا نطق و بیاں نہیں
نہ میں خوش رقم ہوں نہ خوش گلو تری شان جل جلالہُ
ہے ترا ہی کعبہ میں نور سب ترا بت کدوں میں ظہور سب
تو یہاں ہے اور وہاں بھی تو تری شان جل جلالہُ
تو دوئی کے عیب سے دور ہے تو عرب و عجم میں ضرور ہے
نہیں ایک ہونے میں گفتگو تری شان جل جلالہٗ
تو عیاں کہیں ہے نہاں کہیں تو ہر ایک جا ہے کہاں نہیں
تو ہی دل میں ہے تو ہی رو برو تری شان جل جلالہُ
گلِ گلستاں ہو کہ خار ہو کوئی باغ ہو کہ بہار ہو
ہے ہر اک میں تیرا ہی رنگ و بو تری شان جل جلالہُ
میں ذلیل اور جلیل تو میں ضعیف اور قوی ہے تو
رہیں زیرِ تیغ مرے عدو تری شان جل جلالہُ
- کتاب : Rooh-e-Sama, Part 2 (Pg. 361)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
