ہے ظہور تیرا ہی چار سو تری شان جل جلالہ
ہے ظہور تیرا ہی چار سو تری شان جل جلالہ
مہ و مہر میں بھی عیاں ہے تو تری شان جل جلالہ
کروں حمد میں وہ زباں نہیں میرا ایسا نطق و بیاں نہیں
نہ میں خوش رقم ہوں نہ خوش گلو تری شان جل جلالہ
ہے ترا ہی کعبہ میں نور سب ترا بتکدہ میں ظہور سب
تو یہاں بھی ہے اور وہاں بھی تو تری شان جل جلالہ
تو دوئی کے عیب سے دور ہے تو صنم حرم میں ضرور ہے
نہیں ایک ہونے میں گفتگو تری شان جل جلالہ
ہے چمن بھی حسن نما ترا ہے گلوں میں رنگ ترا بھرا
کہے کیوں نہ طوطیٔ خوش گلو تری شان جل جلالہ
نہ دلوں میں تیرا پتہ لگا نہ بتوں میں تیرا نشان ملا
کہاں اب کروں تری جستجو تری شان جل جلالہ
یہاں قرب ہے نہ تو بعد ہے یہاں دید ہے نہ شنید ہے
میری بے نشانی ہے چار سو تری شان جل جلالہ
یہ نفخت فیہ کا بہانہ ہے وھو معکم کا فسانہ ہے
ہے گل اسدؔ کی کچھ اور ہی بو تری شان جل جلالہ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
