تیری نظر سے دل کو سکوں ہے قرار ہے

تیری نظر سے دل کو سکوں ہے قرار ہے

تیرے کرم سے میرے چمن میں بہار ہے

ہم آ گئے کہاں پہ یہ کس کا دیار ہے

پہلو سے دل پکارا یہی کوئے یار ہے

وعدے پہ جی رہے تھے مگر دم نکل گیا

آنکھیں کھلی ہوئی ہیں تیرا انتظار ہے

زاہد میری نماز بھلا کیوں نہ ہو قبول

ہر لمحہ میرے سامنے تصویر یار ہے

محشر میں سب کے پاس تو ہے نامۂ عمل

یہ دیکھو میرے ہاتھ میں دامان یار ہے

مجھ سے زمانہ گر ہو مخالف تو غم نہیں

میں مطمئن ہوں میری طرف چشم یار ہے

کاملؔ کے دل سے پوچھیے سجدوں کی لذتیں

وہ ہے سر نیاز ہے اور پائے یار ہے