جب سے کہ بھا گئی ہے دل کو ادائے_خواجہ

جب سے کہ بھا گئی ہے دل کو ادائے خواجہ

ایمان و دیں دل و جاں سب ہے فدائے خواجہ

وہ سر جدا ہو جس میں خواجہ کا ہو نہ سودا

وہ دل ہو چاک‌ جس میں ہووے نہ جائے خواجہ

بہر خدا بیاں کرو واعظ نہ وصف جنت

بھاتا ہے مجھ کو ظل دولت سرائے خواجہ

اب جان سے بھی ایک دن دھونی ہیں ہاتھ مجھ کو

ہے دل تو پہلے ہی سے واقف ادائے خواجہ

دولت سے کیا غرض ہے حشمت سے کیا علاقہ

شاہنشہ جہاں ہے جو ہے گدائے خواجہ