ہے توہی نہاں ہے توہی عیاں تری شان جل_جلالہ

ہے توہی نہاں ہے توہی عیاں تری شان جل جلالہ

تو کہاں نہیں نہیں تو کہاں تری شان جل جلالہ

ترے نور ہی کا ظہور ہیں یہ جو جن و انس و طیور ہیں

یہ شجر حجر یہ زمیں زماں تری شان جل جلالہ

توہی ڈوبتوں کا سہارا ہے توہی بحر غم کا کنارا ہے

توہی بیکسوں کا ہے پاسباں تری شان جل جلالہ

تری فکر مذہب صادقاں، تری یاد جوہر عاشقاں

ترا ذکر مسلک عارفاں تری شان جل جلالہ

یہی رنگ دیکھ کے دنگ ہے جسے کچھ شعور ہی ڈھنگ ہے

توہی راز ہے توہی راز داں تری شان جل جلالہ