تو ہی ہے مالک_ہر_دوسرا اے قادر_مطلق

تو ہی ہے مالک ہر دوسرا اے قادر مطلق

ترا ثانی کوئی اے بندہ پرور ہو نہیں سکتا

مکاں ہے لا مکاں تیرا نشاں ہے بے نشاں تیرا

کوئی تجھ سا دو عالم میں مکرر ہو نہیں سکتا

کرم تیرا نہ ہوتا گر خدایا تیرے بندوں پر

تو اپنے بخت کا کوئی سکندر ہو نہیں سکتا

یہ ممکن ہی نہیں بندہ کرے دعویٰ خدائی کا

یہ ثابت ہے کہ تجھ سا کوئی برتر ہو نہیں سکتا

زمانے میں حسیں تو سینکڑوں ہم نے بھی دیکھے ہیں

ہمارا دل تو وارفتہ کسی پر ہو نہیں سکتا