عاشقِ محبوبِ داور شاہ رضوان الہدیٰ

عاشقِ محبوبِ داور شاہ رضوان الہدیٰ

وارثِ محراب و منبر شاہ رضوان الہدیٰ

آپ ہیں فرزندِ حیدر شاہ رضوان الہدیٰ

اسوۂ شبیر و شبر شاہ رضوان الہدیٰ

روئے انور سے نمایاں تھا سیادت کا جمال

مرد حق مرد قلندر شاہ رضوان الہدیٰ

آسمانِ زہد و تقویٰ کے درخشاں آفتاب

بحرِ حکمت کے شناور شاہ رضوان الہدیٰ

’’شاکری گلزار‘‘ کے ہیں آپ اک خوش رنگ پھول

بوئے حکمت سے معطر شاہ رضوان الہدیٰ

خوب صورت نیک سیرت صاحبِ فضل و کمال

برجِ علمِ دیں کے اختر شاہ رضوان الہدیٰ

پیکرِ صدق و صفا سرمایۂ عشق و وفا

ذات ہے تیری قد آور شاہ رضوان الہدیٰ

حشر تک یوں ہی بلندی پر رہے گا دیکھنا

آپ کی عظمت کا ٹاور شاہ رضوان الہدیٰ

اے خطیب قوم! تم نے مذہبِ اسلام کی

روشنی پہنچائی گھر گھر شاہ رضوان الہدیٰ

مذہبِ اسلام کی حقانیت کی ہے دلیل

آپ کا روئے منور شاہ رضوان الہدیٰ

’’سیدی فیضان‘‘ کو با فیض تم نے کر دیا

’’قادری فیضان‘‘ دے کر شاہ رضوان الہدیٰ

کیجیے نذرِ عقیدت اپنے احمدؔ کا قبول

قوم کے سالار و رہبر شاہ رضوان الہدیٰ