تری ذات پاک ہے اے خدا تری شان جل جلالہُ

تری ذات پاک ہے اے خدا تری شان جل جلالہُ

تیرا نام مالکِ کبریا تیری شان جلّ جلالہُ

یہ زمیں بنی وہ فلک بنا یہ بشر بنا وہ ملک بنے

ترے لفظ کن کا ظہور تھا تری شان جلّ جلالہُ

جسے چاہے مردہ اٹھائے تو جسے چاہے زندہ بنائے تو

ترے ہاتھ میں ہے فنا بقا تری شان جلّ جلالہُ

کوئی شاہ کوئی امیر ہے کوئی بےنوا و فقیر ہے

جسے چاہا جیسا بنا دیا تری شان جلّ جلالہُ

ہے چمن تو ہی تو ہی رنگ و بو، ہے زباں پہ طوطی کی تو ہی تو

پڑھے کیوں نہ بلبلِ خوشنوا تیری شان جلّ جلالہُ