ہند والے انہیں مکی مدنی کہتے ہیں

ہند والے انہیں مکی مدنی کہتے ہیں

خلد والے انہیں سر و چمنی کہتے ہیں

ایک اشارے میں کیا چاند کا دل دو ٹکڑے

عاشق اس آن کو برچھی کی انی کہتے ہیں

پوچھا حوروں نے حضور آپ کا دولت خانہ

ہنس کے بولے ہمیں مکی مدنی کہتے ہیں

منزلِ غم میں تھکا بیٹھا ہوں محبوب سے دور

اس مصیبت کو غریب الوطنی کہتے ہیں

عارضِ گل کے پسینے میں ہے گل کی خوشبو

اس کو بوئے صفتِ گل بدنی کہتے ہیں

ہاے الفت کہ وہ اللہ سے کس پہلو پر

میری امت کی نہ ہو دل شکنی کہتے ہیں