بادشاہِ ہر دو عالم پیر ابراہیم ہیں

بادشاہِ ہر دو عالم پیر ابراہیم ہیں

جانشینِ غوث الاعظم پیر ابراہیم ہیں

قطب الاقطاب جہاں محبوب رب العالمین

رازِ سبحانی کے محرم پیر ابراہیم ہیں

معدنِ جود و سخا ہیں منبعِ فیض و عطا

نورِ ذاتِ رب اکرم پیر ابراہیم ہیں

نور چشمِ سید کونین شاہِ اؤلیا

منبع فیض و مکرم پیر ابراہیم ہیں

ہیں علی دادا تو دادی فاطمہ بنت نبی

سید سردار عالم پیرا ابراہیم ہیں

راحتِ جان و جگر ہیں حضرت حسنین کے

روح پاک غوث اعظم پیر ابراہیم ہیں

ہو گئی کافور ظلمت بمبئی سے سربسر

غیرتِ ماہِ مکرم پیر ابراہیم ہیں

حضرت علی نسب والا حسب برتر مقام

سید سلطانِ عالم پیر ابراہیم ہیں

ہے لقب والا افندی خاندانِ قادری

جامی دین مکرم پیر ابراہیم ہیں

بلبلِ گلزار وحدت در درج کاملین

شمع بزم ہر دو عالم پیر ابراہیم ہیں

آپ کی ذاتِ مقدس چشمۂ الطاف ہے

اے ندیمیؔ فخر عالم پیر ابراہیم ہیں